[PRESSWIRE] 4 نومبر، 2026 – میلان، اٹلی – ایک پاکستانی تنظیم، Youth Development Foundation کو Intercultural Innovation Hub (IIH) کے 2026 کے دورانیے کے لیے دس نچلی سطح کے عوامی اقدامات میں سے ایک کے طور پر منتخب کیا گیا ہے۔ Accenture کی معاونت سے لاگو شدہ، United Nations Alliance of Civilizations (UNAOC) اور BMW Group کا یہ مشترکہ اقدام، IIH نچلی سطح کے ایسے عوامی اقدامات کی حمایت کرتا ہے جو بین الثقافتی مکالمے اور افہام و تفہیم کو فروغ دیتے ہیں، اور امن، ثقافتی تنوع، اور شمولیتی معاشروں کی تشکیل میں اپنا کردار ادا کرتے ہیں۔
حتمی مقابلہ کاروں کا اعلان میلان میں House of BMW میں منعقدہ ایک تقریب میں کیا گیا، جو IIH کی 15 ویں سالگرہ کی مناسبت سے منعقد ہوئی۔ 2011 سے اب تک، IIH نے عوامی سطح پر کام کرنے والی 100 تنظیموں کو عالمی سطح پر روشناس کرایا ہے، جس سے ان کی صلاحیتوں میں اضافہ ہوا، ان کے اثرات کو وسعت ملی، اور انہیں دوریاں مٹانے، باہمی افہام و تفہیم کو فروغ دینے اور اپنی کمیونٹیز میں نئے مواقع پیدا کرنے میں مدد ملی ہے۔
اس تنظیم کا انتخاب اس کے پروجیکٹ “Inclusive Lens” کے لیے کیا گیا ہے، یہ ایک ایسا اقدام ہے جو پاکستان میں ڈیجیٹل سطح پر غلط معلومات، تعصب اور نفرت کا مقابلہ کر کے انتہا پسندی کے خلاف نوجوانوں کی مزاحمتی صلاحیت کو مضبوط بناتا ہے۔ ایک ملٹی موڈل، مصنوعی ذہانت سے لیس واٹس ایپ بوٹ حقیقی وقت میں ڈیپ فیکس اور سیاق و سباق سے ہٹائے گئے ویڈیو مواد کی نشان دہی کرتا ہے اور اردو میں مقامی جوابی بیانیے فراہم کرتا ہے۔ جبکہ یونیورسٹی کے طلبہ کے لیے “امن پسندانہ بیانیے” کا نصاب اعتدال پسندی اور تکثیریت کی صوفیانہ روایات کو سامنے لاتا ہے، جس سے امن کے فروغ کی بنیادوں کو اس خطے میں پہلے سے موجود رواداری کی روایات سے جوڑا جاتا ہے۔
“پراجیکٹ Inclusive Lens کا آغاز چھوٹے پیمانے پر ہوا تھا۔ گزشتہ دو سالوں کے دوران، ہم نے نوجوانوں کو گمراہ کن معلومات کا مقابلہ کرنے کے لیے بااختیار بنایا ہے اور اہم اسٹیک ہولڈرز کے ساتھ روابط استوار کیے ہیں۔ Intercultural Innovation Hub کے لیے منتخب ہونا ہمارے لیے ایک سنگِ میل ہے۔ یہ پلیٹ فارم ہمیں نچلی سطح پر کی جانے والی سالوں کی محنت کو ایک زیادہ پائیدار، اثر انگیز اور دور رس اقدام میں تبدیل کرنے میں مدد دے گا، اور 100,000 سے زائد نوجوانوں کو جدید ڈیجیٹل ٹولز اور آگاہی سے لیس کرے گا تاکہ وہ ان گمراہ کن معلومات اور نفرت کا مقابلہ کر سکیں جو ہماری کمیونٹیز میں انتہا پسندی کو ہوا دیتی ہیں۔” – واجد زاہد، کوآرڈینیٹر، نیشنل یوتھ والینٹیئر نیٹ ورک، Youth Development Foundation۔
اس Intercultural Innovation Hub کے ذریعے، Youth Development Foundation کو مالی گرانٹ کے ساتھ UNAOC، BMW Group، اور Accenture کی جانب سے ایک سال کے لیے صلاحیتوں کی تشکیل اور رہنمائی کی معاونت حاصل ہو گی۔ یہ جامع تعاون “Inclusive Lens” کو مضبوط بنانے اور ایک زیادہ شمولیتی معاشرے کی تشکیل میں اس کے کردار کو وسعت دینے میں مدد فراہم کرے گا۔ اقوامِ متحدہ اور نجی شعبے کے درمیان تعاون کا یہ ماڈل زیادہ گہرے اثرات مرتب کرتا ہے، کیونکہ تمام شراکت دار معاونت یافتہ منصوبے کی پائیدار ترقی کو یقینی بنانے کے لیے اپنی اپنی متعلقہ مہارت فراہم کرتے ہیں۔
اس پروجیکٹ کے متعلق مزید جانیے: https://interculturalinnovation.org/inclusive-lens-youth-development-foundation/
میڈیا سے متعلق استفسارات:
– Katharina Schalk، پروجیکٹ لیڈ اور ترجمان کارپوریٹ سٹیزن شپ، BMW Group، katharina.schalk@bmwgroup.com
– Dana Podmolikova، پروگرام مینجمنٹ اسپیشلسٹ – یوتھ، United Nations Alliance of Civilizations (UNAOC) ، danap@unops.org